મને પણ એવું થાય છે કે….


ઘણીવાર મને પણ થાય કે એકાદ હાસ્ય લેખ લખું તો કેવું? વાત એવી બની કે  કોઇ કાર્યવાહીના ભાગરૂપે એક ભાઇએ પૂછ્યું કે આપ શું કરો છો? હાઉસવાઇફ જ છો ને? ત્યારે મેં જણાવ્યું કે હા ભાઇ, આમ તો હાલમાં અમે ખાસ નવરા જ ના પડીએ તેવા હાઉસવાઇફ છીએ. તો કહે કે એટલે?

એટલે મેં કહ્યું કે આમ તો હું મારા મનોમંથનને મારા બ્લોગ પર મૂકું છું, બીજા બ્લોગ વાંચું છું અને એમાં પ્રતિભાવ આપું.( હા, આપણે પ્રતિભાવ જોઇતા હોય તો આપવા તો પડે ને!)

તો એ ભાઇ કહે કે કેવું લખો છો? તો મેં પૂછ્યું એટલે? તો કહે એટલે કે લેખનનો પ્રકાર કેવો?

મેં ફરી પૂછ્યું એટલે? મને ખબર ના પડી આપ શું કહેવા માંગો છો તે. તો કહે કે એટલે કે હાસ્ય લેખ, વાર્તા, કે કટાક્ષ કે કંઇ સામાજને લગતું.

મેં કહ્યું કે ભાઇ આપની સમજવામાં ભૂલ થઇ લાગે છે હું કોઇ મહાન લેખિકા નથી. હું તો માત્ર મારા વિચારોના મનોમંથનને લખું છું. મને ખાસ સાહિત્યની જાણકારી નથી. આપ એક કામ કરો જો આપને થોડો વાંચવાનો રસ હોય તો મારો બ્લોગ વાંચો અને આપ જ કહો કે અમારું લખાણ કેવું છે?

બે ત્રણ દિવસ પછી એ ભાઇ કહે કે આપના લખાણમાં  સૌમ્ય ઉગ્રતા છે. મને  આ ઉગ્રતા તો સમજાઇ પણ સૌમ્ય ઉગ્રતામાં ખાસ ખબર ના પડી. પણ પછી લાગ્યું કે આપણે આપણી સૌમ્યતા જાળવી રાખવી હોય તો ઉગ્રતાવાળું કંઇ લખવાનું રહેવા દઇને બીજા પ્રકારનું લખવું સારું. આમેય ઉગ્રતાને કારણે કોઇને શું ફાયદો થશે તે તો ખબર નહીં પણ મને તો ગેરફાયદો થવાનો જ છે. નકામી મારી સુંદરતાને અસર થાય અને ચહેરા પર કરચલીઓ દેખાવા લાગશે તો ઉંમર પણ વધુ દેખાવા લાગે (આમેય સ્ત્રીને તો જેમ ઉંમર વધે તેમ એમ જ થાય કે અભી તો મેં જવાન હું, જુવાન દેખાવાનો અભરખો વધુ જાગે).

અને આમ તો  સ્વભાવ અને દૃષ્ટિ ખાસ તો હાસ્ય શોધવાની જ. પણ આ તો એવું ને કે પતિની સંગતની અસર થાય જ ને? (એનાલિસિસ કરવાની અને વાતના ઉંડાણમાં જવાની). એટલે એમાંથી થોડી ઉગ્રતા(સૌમ્ય) આવી જાય. (શું થાય સ્ત્રી હોઇએ એટલે સૌમ્ય જ રખાય ને.) એટલે હવે એમ મન થયું કે હવે હાસ્ય લેખ લખીએ.

એટલે અમે અભ્યાસ કરવા કે હાસ્ય લેખ કેવી રીતે લખવો? તે માટે બીજા બ્લોગ જેમાં હાસ્યલેખ લખતાં હોય તેવા મહાનુભાવોના બ્લોગની સફર શરૂ કરી. અસરના ઓટલે, વાંચનયાત્રા, કુરુક્ષેત્ર બધે જ ખૂબ જ અભ્યાસ કર્યો પણ વધારે ગૂંચવાઇ ગઇ. અને લાગ્યું કે હાસ્યલેખ લખવો કંઇ સહેલું નથી. ખાવાના ખેલ નથી.

એટલે પછી હાલમાં તો એવા નિર્ણય પર આવી કે હમણાં તો જે અને જેવું આવડે છે તે જ ચાલુ રાખીએ. હાસ્ય લેખ લખવાનું માંડી વાળીએ. (આમેય બીજાનો વિચાર તો કરવો પડે) ખાસ આવડતું ના હોય તેવું લખીને બીજાને હેરાન કરવાનો શું અર્થ?

Advertisements

22 responses to “મને પણ એવું થાય છે કે….

  1. શ્રી મીતાબહેન,

    અસરના ઓટલે, વાંચનયાત્રા, કુરુક્ષેત્ર બધે જ
    વાહ વાહ તમારી ઉંડી નજર એટલે કહેવુ પડે.

    હા ભાઈ હા અત્ર તત્ર અને સર્વત્ર બધે જ
    હાસ્ય પ્રાપ્ત કરવું એતો ખાંડાની ધાર પર ચાલવા જેવુ છે.

    એટલે જ બહેન એટલે જ ક્યારેક ચાબખા હાથમાં લેવા પડે છે.

    Like

    • અતુલભાઇ આભાર. બહુ ઊંડી નજર હોય તેમ ચશ્માના નંબર પણ વધે એવું પણ બને. સારું છે હજુ નથી પહેરવા પડતા નંબરના ચશ્મા.

      Like

      • શ્રી મીતાબહેન,

        એમ નંબરની બીક ન બતાવો. ચશ્મા વાળા કે ચશ્મા વગરના જેવા પણ હશે મને તો મારા બહેન વ્હાલા જ લાગવાના. અને હા, મને તો ચશ્મા વાળા લોકોએ ગમે જ છે ને? ચશ્માની બીકથી આ ઉંડી નજરે જોવાનું બંધ ન કરશો. જો સારા હાસ્યલેખ લખવા હશે તો આ ઉંડી નજર જ સાચી સહાયક બનશે.

        Like

  2. મીતાબેન,

    મને લાગે છે કે આપણે પ્રતિભાવ જોઇતા હોય તો આપવા પડે એમ કાંઈ હોતું નથી. જો કે લોકોના (વાટકી વ્યવહાર જેવા) પ્રતિભાવોની ઉઘરાણી કરતા ઈ-મેલ આવે જ છે, પરંતુ લખાણ વિચારપ્રેરક અને વાંચવાલયક (અથવા વિવાદાસ્પદ) હોય તો લોકો અવશ્ય પ્રતિભાવો આપે જ!

    સાચી વાત છે, હાસ્યલેખ લખવા ખાવાના ખેલ નથી, વાંચવાના ખેલ છે, અને આપે જે બ્લોગ્સના નામ આપ્યા છે તેઓની આમાં સારી હથોટી છે, જો કે પ્રયત્ન કરવામાં કોઈ વાંધો નથી, એટલે આપ જો એવો પ્રયત્ન કરશો તો અવશ્ય પ્રતિભાવ મળશે.

    આપની કલમ ઘડાયેલી લાગે છે, સૌમ્ય ઉગ્રતા વિશે તો ખબર નથી, વિચારપ્રેરક તો ખરી જ!

    Like

    • જીજ્ઞેશભાઇ આપનો આભાર પ્રોત્સાહક પ્રતિભાવ આપવા બદલ. હાસ્ય લેખ લખવા ખાવાના ખેલ નથી વાંચવાના ખેલ છે સાચી વાત આપણે તો લખી નાખીએ પણ એ વાંચવાના તો બીજાએ હોય. અને લખાણ વિચારપ્રેક અને વિવાદાસ્પદ હોય તો પ્રતિભાવ તો આપે જ એની ઉઘરાણી કરવાની જરૂર ના રહે એ સત્ય વાત પણ આપની ખૂબ ગમી.

      Like

  3. શ્રી મીતાબહેન,
    “આપણે પ્રતિભાવ જોઇતા હોય તો આપવા તો પડે ને!” — અમારી બાજુ ગામડામાં આવી પ્રથાને ’ઢાલ’ કહે છે, હું આપના ખેતરે બાજરો વઢવવા આવું એટલે આપે પણ મારે ત્યાં બાજરો વાઢવા આવવાનું ! એકંદરે સારી સમાજ વ્યવશ્થા છે.

    આપના લેખનનો પ્રકાર..”સૌમ્ય ઉગ્રતા” !! તરીકે વર્ણવનાર મિત્ર ખોટા તો નથી જ. આ શબ્દ મને તો બહુ ગમ્યો. નીતિશતકમાં પણ અન્ય શબ્દોમાં આવું જ વર્ણન છે, સજ્જનો પ્રત્યે સૌમ્ય અને દુર્જનો પ્રત્યે ઉગ્રતા !! ભારતીય સંસ્કૃતિએ એટલે જ નારીના બે સ્વરૂપનું દેવીરૂપે આલેખન કર્યું છે, જગદંબા અને ચંડિકા. બુદ્ધે પણ ચંડકૌશિકને સૌમ્ય ઉગ્રતાનો ઉપદેશ કરેલો, કરડવું નહીં પણ ફુંફાડો રાખવો !!

    “હાસ્યલેખ લખવો કંઇ સહેલું નથી”… આમ નિરાશ ન થાઓ બહેન, એટલું બધું અઘરૂં પણ નથી ! લો આપનો આ લેખ જ, ભલે સાવ હાસ્યલેખ ન કહીએ પણ, કંઇ હસી કાઢવા જેવો તો નથી જ !! (બસ આવા અઘરા અને ન સમજાય તેવા પંચ મારતા શીખી જવું ! હા..હા..હા..) ચાલો ત્યારે આપના એક ’અન્ય’ હાસ્યલેખની રાહ જોઇશું. આભાર.

    Like

    • અશોકભાઇ નારીના બે સ્વરૂપ વિશે જાણીકારી સરસ. અને આપના પ્રોત્સાહનથી નિરાશા દૂર થઇ અને પ્રયત્ન ચાલુ રાખવાની હિંમત આવી છે. જો કે હાસ્યલેખ લખવું અઘરું તો છે જ. અને આ અઘરા પંચ મારવાનું સહેલું તો નથી જ. ખૂબ ખૂબ આભાર.

      Like

  4. મીતાજી,
    અશોકભાઈ નો પંચ વાગ્યો?આપ જે વિચાર પ્રેરક લખો છો તે છે તો કડવું સત્ય પણ આપની શૈલી અને શબ્દો ની પસંદગી સૌમ્ય હોય છે.આપનો આક્રોશ એમાં વ્યક્ત થતો જ હોય છે.માટે સૌમ્ય ઉગ્રતા શબ્દ બંધ બેસતો છે.આપણાં ખુદ નાં જીવન માં ઘણા બધા હાસ્ય પ્રેરક પ્રસંગો બનતા જ હોય છે.એને શબ્દો માં ઢાળવા અઘરું કામ તો છે,પણ કરી શકાય છે.હવે બીજા હાસ્ય લેખ ની રાહ જોઈએ કે?

    Like

    • ભૂપેન્દ્રસિંહજી આભાર. હાસ્યલેખ લખવો અઘરું કામ છે અને આપ બીજા લેખ માટે રાહ જુઓ છો તો તે માટે તો મારે આપની , અશોકભાઇ અને યશવંતભાઇ પાસેથી સ્પેશ્યલ ટ્રેનિંગ લેવી પડશે. પંચ વાગ્યો તે કયારે ખબર પડે જ્યારે ખબર પડે કે પંચ કોને કહેવાય.

      Like

  5. Mita, Congratulations for this humorous article!!
    In day to day life course, I know you can create light atmosphere by creating humor.
    Even in adverse conditions, you are capable of creating humor in real life.
    I know you can write even good articles then this.
    Keep it up.

    Bhupendra Bhojak.

    Like

  6. મીતાબેન,
    યે તો સિર્ફ ટ્રેલર હૈ… પિક્ચર અભી બાકી હૈ..
    શુભ કાર્યની શરૂઆત કરવા બદલ અભિનંદન.

    Like

  7. મીતા બહેન, વિચાર તો સરસ છે,

    પણ પછી આપનો બ્લોગ “મીતાનુ મનોમંથન” બદલી “મીતાહાસ્ય ભંડાર” એવુ કરો તો કેવુ રહેશે? નહિ તો એવો બીજો બ્લોગ તૈયારી દો, અત્યારે જ……..

    સોરી હો બહેન, મજાક કરુ છુ !!

    પણ મને લાગે છે હાસ્ય ઉત્પન્ન કરવા માટે સ્વનિષ્ફળતા અથવા તો અન્યનિષ્ફળતા ના ગુણલા ગાવા પડશે હો એનાથી હુ આપને ચેતવુ છુ !!

    ખબર છે ને “તારક મહેતાના ઉલ્ટા ચષ્મા”, અતિ ઉત્ત્મ સંગ્રહ છે પણ એમાંયે જેઠાભાઈના, દયાબહેનના, ટપુડાના અને અન્ય પાત્રોની અવળચંડાઈના વર્ણન જેવા વર્ણનો શોધવા પડશે હોં !!
    “ખીચડી” આજે ચિત્રપટ બની રહ્યુ છે, સારી વાત છે, પણ એમાં અવળચંડાઈ ના જ ગુણોની ભરમાર છે…

    અમારે સાંજે સબ ટીવીના જ પ્રોગ્રામો ચાલતા હોય છે.
    કોમેડી સર્કસ હવે છીછરુ બની ગયુ છે……

    આ બધુ આપને ડરાવવા માટે અથવા તો કમજોર પાડવા નથી કહી રહ્યો પણ આવી ઘરેડ જેવુ આપી શકો તો મજા આવશે. તોયે એ દુરની વાત પ્રથમ આપ શરુ તો કરો મજા આવશે, સૌ પ્રથમ પોતાના ઉપર જ હાસ્ય વિશે લખશો તો જલ્દીથી હથેટી આવશે અને આમેંય આપણા ગુરુ-મોટાભાઈ “ભુપેન્દ્રસિંહ રાઓલજી તો છે જ ને, ઉત્તમ માર્ગદર્શક અને બ્લોગાચાર્યજી” ,
    યા હોમ કરી ધ્યો, ફત્તેહ જ છે આગે……
    (ભુ.ચુ.લે.દે.)

    Like

    • રાજેશભાઇ આપના સજેશન અને પ્રોત્સાહન બદલ ખૂબ ખૂબ આભાર. આપની સાચા દિલથી કરેલી મજાક પણ ગમી. સોરીની કોઇ આવશ્યક્તા નથી. હંમેશા ગંભીર બની રહેવા કરતાં ક્યારેક હળવી મજાક કરીને કોઇને દુઃખ ના પહોંચે તેનું ધ્યાન રાખીને આનંદ મેળવવો પણ જરૂરી જ છે.

      Like

  8. આપની સૌમ્ય ઉગ્રતા વાળી વાત ખૂબ જ ગમી ! ઉગ્રતા અને સૌમ્ય જેવા અરસ પરસ વિરોધી શબ્દ જ હાસ્ય નિસ્પન્ન કરે છે. આ લેખ જ આપની હાસ્ય લેખ લખી શકવાની ક્ષમતા પુરવાર કરે છે. અલબત્ત હું કોઈ સાહિત્યકાર કે લેખક કે શ્બ્દ શાસ્ત્રી નથી પણ જે વાંચતા ચિત્ત મરક મરક થાય તેને હાસ્ય લેખ કહેવાય તેવી સમજ છે મારી અને આ લેખ વાંચતા એવું અનુભવ્યું ! અભિનંદન ! લગે રહો મીતા જી !
    સ-સ્નેહ
    અરવિંદ

    Like

  9. પિંગબેક: હાસ્યલેખ ! પણ લખવો કેમ ? | વાંચનયાત્રા

  10. લ્યો મીતા બહેન, અશોક્ભાઈએ આપના વિષય યોગ્ય ઉત્તમ લેખ લખી રાખ્યો છે, જલ્દીથી પહોંચી જાઓ…..

    Like

  11. મીતાજી આપનો ચીંતનાત્મક લેખ વાચ્યો..ખુબ જ સુંદર રીતે આપે માનવજીવન વિષે વિચાર કરવા અન્ગૂલી ચીન્ધી…જો બધા તરફ જોવાનો દ્રુષ્ટીકોણ બદલાય જાય તો,

    જુઓ શક્તી વડે ધન સ્ત્રી અને વિધ્યા કઈ નજરે,
    જગત સુંદર દિષે ભક્તી થકી દ્રુષ્ટી સુધારીને
    નવલ મિત્રો, નવલ પ્રિતો, નવલ જીતો, નવલ ગીતો,
    નવલ મૌસમ સદા આવે જૂના પર્ણો ખરાવીને
    -દિલીપ ગજજર

    Like

  12. પિંગબેક: 2010 in review | મીતા નું મનોમંથન

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s