એક પ્રશ્ન: આ એન.આર.આઈ ભારતના લોકોને સમજે છે શું?


અમે  જૂન મહિનામાં સ્વીત્ઝર્લેન્ડ ગયેલાં.  સ્ટાર ટુર્સમાં ગયેલા એટલે બધા જ ભારતીય હતા. ભારતીય લોકોને ફૂડને કારણે આવી ભારતીયફૂડ આપતી  ટ્રાવેલ અને ટુર્સ વધુ માફક આવે છે. વેજીટેરીયન કે નોન વેજીટેરીયન સવાલ નહિ પણ આપણે  બ્રેડની  કે ઓછા મસાલા વિનાની વાનગીઓ ચેન્જ માટે એકાદ ટાઈમ કે એકાદ દિવસ ખાઈએ તે ઠીક પણ એકાદ અઠવાડિયા માટે સતત અનુકૂળ ના આવે. આ વાત તો બીજા દેશના લોકોને પણ લાગુ પડતી હોય છે તેઓ પણ ચેન્જ માટે બીજા ફૂડને અપનાવે પણ સતત તેઓને પણ અનુકુળ ના પણ આવે. એટલે ઓપ્શન હોય તો ટુર્સ ભારતીય ફૂડ આપે તેવી જ આપણે પસંદ કરતા હોય  છે.

મોટા ભાગે બધાંજ લોકો લંડનથી હતા. એક જ પરિવાર રાજકોટથી લંડન-યુરોપ  એક મહિના માટે તેમના સગાંને ત્યાં ફરવા આવેલ.  પતિ-પત્ની અને એક પુત્ર બાર વર્ષનો. મારો દીકરો પણ  અમરિકામાં ભણવાનું પૂરું કરીને લંડન-યુરોપ ફરવા આવેલો. પ્રવાસના ત્રીજા દિવસે એકદમ અકળાયેલા સ્વરે મારા પુત્રને અને પછી મને પણ કહેવા લાગ્યા કે આ લોકો આપણને શું સમજે છે? તેમણે આ લોકો  બિનભારતીય વિષે કહેલું.  મેં તેમને પૂછ્યું શું થયું?
તેમણે  તેમનો અનુભવ મને કહ્યો પરંતુ તે પહેલાં તેમનો થોડો પરિચય . બંને પતિ-પત્ની  શિક્ષણ-આર્થિક રીતે સદ્ધર હતા. તેઓનો પોતાનો વ્યવસાય છે રાજકોટમાં પત્ની પણ વ્યવસાયમાં જોડાયેલ અને તેઓ રાજકોટના પોશ એરીયામાં રહે છે . દીકરો પણ તેમનો ઈંગ્લીશ મીડીયમ  ભણે છે.  દેખાવે તેઓ સારા લાગે અને ફેશનમાં પણ એડવાન્સ.   સરસ!  આ બધું હું એટલે લખું છું કે ઘણા લોકો ભારત અને ભારતીયોને  દેશી અને પછાત લોકોમાં ગણતરી કરે છે  .
હવે એમનો પ્રશ્ન કે આ લોકો શું સમજે છે? તેમને બે દિવસથી બિન ભારતીય એવા ફેમીલી દ્વારા થતા પ્રશ્નો કે હજુ ત્યાં વીજળી બરાબર આવે છે? ત્યાં ઈંગ્લીશ મીડીયમ સ્કુલ છે?  અને એવા બીજા પ્રશ્નો કે ત્યાં આ મળે છે? તે મળે છે? આવા પ્રશ્નોના જવાબ  આપીને તેઓ કંટાળી ગયેલા  .
મેં તેમને જવાબ આપ્યો કે સમસ્યા એ છે કે આ લોકો જ્યારથી ભારત છોડીને અહી આવ્યા છે ત્યારની જ એક છબી એમના મગજમાં સ્ટોર થયેલી છે  મોટાભાગના  લોકો અહી  આવ્યા હોય ત્યારથી જીવન જીવવા માટે કમાવા સિવાય તેમને કઈ શીખવા કે જાણવાની ફુરસદ જ નથી મળતી તમે એમને જરા ધ્યાનથી અભ્યાસ કરશો તો ખ્યાલ આવશે અમુક બાહરી દેખાવ સિવાય ખાસ કોઈ ફર્ક જોવા મળે છે?  એ પણ ઘણા લોકોનો તો ઓલ્ડ ફેશનનો બાહરી દેખાવ હોય છે. આપણે  ત્યાં એ વખતના લોકો એડવાન્સ થયા  છે પણ  આ લોકોને જોઇને લાગે છે કોઈ ફર્ક?  લાંબો સમય રહે એટલે અહીંની ભાષા અપનાવ્યા વગર છુટકો ના હોય કે અમુક જીવનશૈલી અપનાવ્યા વગર છૂટકો ના હોય તેટલો બદલાવ આવ્યો હોય એ સાચું પણ જરૂરિયાત હોય એટલે.
જો આ લોકો ગુજરાતી હોવા છતાં ગુજરાત વિષે જ કંઈ જાણતા ના હોય તો ભારત વિષે શું જાણતા હશે? અરે આ લોકો અહીના લોકોનો જ સ્વીકાર નથી કરી શકતા ભારતથી આવીને ભારતીય લોકો વધુ હોય ત્યાં રહેવાનું વધુ પસંદ કરે છે. બીજા દેશના લોકો વચ્ચે રહેવાની એલર્જી અને છૂપો ડર હોય છે. જરૂરત સિવાયનું નવું શીખતા નથી  તેમની પાસે શું આશા રાખવી?  છેલ્લા દસેક વર્ષમાં ગુજરાત વિષે ક્યારેક પણ કઈ જાણવાની કોશિશ કરી હોય તો તેમનો હવે વીજળી મળે છે બરાબર કે હજુ પણ લાઈટ(ઈલેક્ટ્રીસીટી) જાય છે ? એવો પ્રશ્ન કરતાં ? બીજા પ્રશ્નોની વાત જ જવા દો ને!
આવા થોડાઘણા   બિન ભારતીયોના ભારત વિશેની પછાત માનસિકતાના તો મને રોજેરોજ અનુભવ થતા હોય છે  . હું લંડનમાં આવી ત્યારે શરૂઆતમાં મને કોઈ ભારતીય મળે તો આનંદ થતો પણ હવે તો મનમાં નક્કી કરી જ લેવાનું કે ચાલો ભારત અને ભારતીય લોકોની બુરાઈ સાંભળવાનું શરૂ  આવા થોડા લોકો જ હોય છે  પરંતુ તેઓ  સાચા ભારતીયને દૂર  કરે છે ભારત અને ભારતીય લોકો વચ્ચે એક દીવાલ  ઉભી  કરીને   એવા પણ અમુક છે જેઓ તો સાચા અર્થમાં ભારતીય હોય છે વિદેશમાં ખુબ જ આગળ આવ્યા હોય સંપત્તિ અને ધનના માલિક હોય પણ ક્યારેય ભારત વિષે ખરાબ પણ ના બોલે અને કોઈ સરખામણી તો કરે જ નહિ. અને કોઈપણ ઢંઢેરો કે ઉંછાછળાપણું  બતાવ્યા વગર ભારત માટે સારા કાર્યો કરતા હોય છે. બીજા દેશનું નાગરિકત્વ તેમને ભારત કે ભારતના લોકોથી દુર નથી કરતું .
ભારતનાં નબળા પાસાઓ  ઘણા છે એ વાત માન્ય. તેનો સ્વીકાર કરવો જ પડે. અને તેમાં બદલાવ આવે તે દરેક સમજદાર ભારતીય ઈચ્છતો જ હોય. પરંતુ ભારત અને ભારતીય લોકોની મજાક કરવામાં શાન સમજનારા થોડાક જ બિન ભારતીય લોકો કે હજુ  અહી માત્ર ભણવા કે વસવાટ માટે  આવતા લોકો વિસાની સાથે એક સ્ટેમ્પ લગાવડાવીને આવ્યા હોય તે રીતે દરેક વાતમાં ભારતની સરખામણી જે દેશમાં  તેઓ ગયા હોય તે દેશ સાથે કરવાનું શરુ કરી દે છે. પણ આવા મુર્ખ શિરોમણીઓને સરખામણી કરતી વખતે ભારતનું હવામાન, ભારતની વસ્તી, ભારતનું સામાજિક ધોરણ ,ભારતનો ઈતિહાસ-ભૂગોળ, અને એવા તો ઘણા પાસાઓ  છે તેને જાણવાની કોશિશ પણ નથી કરતા .  ભારત દેશ પાંચ હજાર વર્ષ જુનો છે તેને બે હજાર કે પાંચસો વર્ષના દેશ સાથે સરખામણી કરવાનો શું અર્થ? સરખામણીઓ કરવાથી  કંઈજ બદલાવાનું નથી.
જૂની સંસ્કૃતિ હોય  અનેક વિવિધતા ધરાવતો દેશ હોય તો બધું સાથે રાખીને બદલાવ શક્ય બને. રાતોરાત તો શક્ય નહિ જ બને  ને? તે પણ તમે દેશ બહાર ગયા અને બહારના દેશને જોઇને તરત જ ભારત અને ભારતના લોકોમાં બદલાવ જરૂરી લાગે છે પણ ભારતમાં હોઈએ ત્યારે કેમ નહિ?
ભારત બહારની દુનિયા  જોઇને આપણો  દેશ પણ વિશ્વમાં સારો બને તેવી ખેવના તો જાગે જ. આપણે  ત્યાં પણ લોકોનું જીવનધોરણ સારું બને સારી સુવિધા મળે તેવું ભારત બને તેની ઈચ્છા થવી જ જોઈએ.  પરંતુ આપણા દેશના લોકોની મજાક કે  પરિસ્થિતિ વિષે ભદ્દી મજાક કેટલી શોભનીય  ગણાય?
પશ્ચિમના દેશો કે વિકસિત દેશોની ટેકનોલોજી, સિસ્ટમ સામાન્ય લોકોને પણ મળતી સુવિધા ખુબ જ સરસ છે તે વિષે કોઈ શક નહિ, એ તો  સ્વીકાર્ય જ છે. સારું હોય તેને સારું કહેવામાં નાનમ ના હોય અને જે ખરાબ છે તેનો સ્વીકાર કરવામાં પણ નાનમ ના હોવી જોઈએ માત્ર મહાનતાના ગુણલા ગાવાથી કે ભૂતકાળને વળગી રહેવાથી બદલાવ નહિ આવે. હવે નક્કર પગલાની તાતી આવશ્યકતા છે. પોતાના દેશમાં  પણ સારી સુવિધા અને લોકોનું જીવન સારું હોય તે ઇચ્છવું ખોટું નથી, પરંતુ જે બીજા દેશમાં છે તેવું જ શું કામ? આપણું પોતાનું આપણા દેશને-લોકોને અનુકૂળ આપણા  જીવન સ્તરને ઊંચું લાવનારું, આપણું  સારું હોય-ભલેને ગમે તેટલું જુનું હોય તેને સાચવીને જરૂરી હોય તે નવું અપનાવાવું જ જોઈએ. પણ દેખાદેખી ખાતર અને ઊંચા અને માત્ર કેવા પ્રગતિશીલ છીએ તે માટે  અપનાવવું કેટલું યોગ્ય? જે તે દેશમાં જ તેની આડઅસરો હોય તેનો પણ અભ્યાસ જરૂરી બને છે. ઘણીવાર લોકો અહીની સરખામણી કરતા કહે કે આપણા  દેશમાં આવું કેમ નથી? તો હું વિચાર કરું કે અદ્દ્લ આવું જ તો ત્યાં ચાલે પણ નહિ આપણી  જરૂરિયાત પ્રમાણે હોવું જોઈએ દરેક પાસાનો વિચાર કરવો   જરૂરી બને.
વિદેશમાં કમાવવા ભણવા કે વસવાટ કે આગવી કલા કે બુદ્ધિનો ઉપયોગ કરીને કમાવવામાં કોઈ ખોટું નથી. અને કોઈ કામ નાનું મોટું નથી હોતું. પણ એવા થોડા લોકો હોય છે જે હજુ તો વિસા માટે અપ્લાય જ કર્યું હોય ત્યાં તો બણગાં ફૂંકવાનું  ચાલુ  થઇ જાય ‘આ દેશમાં તો રહેવાય જ નહિ સાલું અહિ  તો કેવી હાડમારી આ દેશમાં તો લોકો સાવ બોગસ’ એવું તો ઘણું બધું  અને એકવાર વિસા મળી જાય પછી તો   ( ‘કેવી રીતે જઈશ’ મૂવી ની જેમ)  વિદેશ  જઈ ને ડોલર કમાવા શરુ થાય  એટલે મોટા બીઝનેસ મેન અને મહાન વ્યક્તિ બની જશે એવું સગાઓ અને દોસ્તો આગળ બકવાસ કરે આવું જ  સગા વિદેશમાં રહેતા હોય તેમની ફાઈલ મુકેલ હોય તેવા લોકો કહેતા હોય કે બસ ફાઈલ મૂકી દીધી છે અને  હવે તો ઓબામા કે કેમરોનના સગા થઇ ગયા હોય તેમ અમેરિકા લંડનની જ વાતો. ત્યાની ધરતી પર પગ મુકે અને તેમના ડાબા હાથ તરીકે સેવા આપવાના હોય તેમ વાતો કરે થોડા થોડા સમયે કોઈ પૂછે નહિ તો પણ બસ હવે તો ફાઈલ આગળ વધી છે  તે જ વાત  કરે. જેમ જેમ એની ફાઈલ આગળ વધે તેમ તેમ એના આસપાસના લોકોથી તે મહાન  હોય તેવું વર્તન કરે.
આવા લોકો વિસા મળે એટલે સ્વર્ગની ટીકીટ મળી હોય તેમ ઉછાળા મારે અને પોતાના જ દેશવાસીઓને નીચા  સમજે અને કહે કે તમે તો નર્કમાં જ સળવાના આખી જિંદગી, મેં આવા ઘણા લોકોને વાતો કરતા  સાંભળ્યા છે અને ઘણા લોકોએ પણ સાંભળ્યા હશે જ. હવે આવા લોકોનાં આવા વર્તનથી એક સિલસિલો શરુ થાય ભારત તરફી અને ભારત વિરોધી અને પછી શાન અને ભાન ભૂલીને વાહિયાત ચર્ચાઓ અને વાદવિવાદ થાય  એક માત્ર વિસા મળે કે વિદેશમાં કમાવા જવાથી(થોડેઘણે  અંશે તો મજબુર જીવન) પોતાના જ લોકોથી અલગ થઇ જવાય તેવો વ્યવહાર કરવાનો શો અર્થ?  અમુક બિન ભારતીયો તો એટલી હદે ખરાબ વલણ કરતા હોય છે કે કોઈ ભારતીય બીજા દેશ વિષે સત્ય વાત પણ ના ઉચ્ચારી શકે એવો માહોલ ઉભો કરે અમેરિકા વિષે તો કોઈપણ વિષયનું સત્ય પણ  નહિ કહેવાનું. મહાન અધર્મ  કર્યો હોય તેમ અંગત આક્ષેપબાજી શરુ કરી દેવાનું .
હવે તેઓના આવા વર્તનના જવાબમાં ભારતમાં રહેતા લોકો ચુપ તો ના રહે તેઓ પણ તેમના કામ વિષે મજાક કરે જ ને? ત્યારે કોઈ કામ નાનું મોટું નથી હોતું તેવી દલીલ કરે સાચી વાત કોઈ કામ નાનું મોટું હોતું નથી તો પછી વિદેશ જતા પહેલા વિદેશમાં જે કરવાના હોય   તેવા કામ કરવાની શરમ તો આવે જ છે. સફાઈ કે પેટ્રોલપંપ પર કામ જેવા કામ પોતાના ઘર આંગણે કરવાની શરમ તો આવે જ  તો પછી બીજાની મજાક કરતા પહેલા વિચારવું જોઈએ
આવી વાહિયાત વાતો કોઈ નાસમજ કરે ત્યારે હસીને ભૂલી જવાય પણ પોતાને બુદ્ધિમાન ગણાવતા લોકો ભારતીય લોકોની મજાક કરે કે લાતો કે ભૂત બાતો સે ના માને, કે કોઈ અઘટિત બનાવ ભારતમાં બને ત્યારે પણ અમે કેવા બચી ગયા એ દેશ છોડીને એવી ખુશી સાથે દુઃખ વ્યક્ત કરનારાનો પણ મને તો અનુભવ છે.
આવા પોતાને બુદ્ધિમાન ગાણાવતા લોકો  પોતાના લોકો અને પોતાના દેશ વચ્ચે એક દીવાલ ઉભી કરવાનું કાર્ય કરે છે  જ્યારે કોઈ વ્યક્તિ આગળ આવે કે સમૃદ્ધ બને ત્યારે તેની ફરજ બને છે કે તેના પોતાના દેશવાસી કે ભાઈબંધુ ને નીચા ગણવા પછાત કે નબળા  કહેવાને બદલે તેમની અંદર સ્વાભિમાન અને સ્વાવલંબન વધુ મજબુત બને તેવા પ્રયાસ કરવાની. સતત નબળા અને પછાત કહેવાથી સુધાર તો  આવે નહિ અને માત્ર પોતાની પાસે પણ કઈ છે તે માટે પણ ભૂતકાળ ની મહાનતા વધુ સાબિત કરવામાં સમય આપે.

 

7 responses to “એક પ્રશ્ન: આ એન.આર.આઈ ભારતના લોકોને સમજે છે શું?

  1. મને પોતાને વિદેશ પ્રવાસમાં આવા અનુભવ થયા છે પણ તેનું બીજું પાસું પણ છે. મૂળ સમસ્યા એ છે કે માણસો જમાના સાથે કદમ મિલાવી અંગત જ્ઞાન, હોંશિયારી વધારવા અંગે સાવ પ્રમાદી હોય છે – વિદેશમાં હોય કે દેશમાં.

    આપણું અવલોકન સ્વ-વિકાસ કેન્દ્રી હોય તો દરેક પરિસ્થિતીમાં શું ઉમદા છે અને શું અપનાવવાથી જીવન વધુ ઉન્નત બની શકે તેમ છે તે આપણે શોધી શકીએ. મને વિદેશમાં રહેતા આપણાં દેશીઓ જોઈ એક વાતની ખુશી થઈ હતી કે – તેમણે વિદેશીઓની કેટલીક સારી વાતો અપનાવવા પ્રયાસ કર્યો છે. જેમ કે :- એક સમજુ નાગરિક તરીકે શિસ્ત – ટ્રાફિક ના નિયમો હોય કે સ્વચ્છતા હોય કે પછી કોઈ કાઉન્ટર ઉપર કતારમાં ઊભા રહેવાનુ હોય..પર્સનલ હાઇજિન.. શરીર સ્વાસ્થ્ય માટે નિયમિત વ્યાયામ અને ફૂડ હેબિટ્સ – પર્સનલ પ્રાઇવસી માટે સન્માન – બીજાની બાબતો માં અમસ્તું માથું ન મારવાની જાગૃતિ – સેનિટેશન ..વગેરે અનેક બાબતો ઊડી ને આંખે વળગે તેવી છે. અને દંભ છોડી ને સ્વીકારવું જોઈએ કે આપણે ઘણું શીખવાનું બાકી છે..

    આપણે આશાવાદી રહીએ .. હવે જેમ જેમ ઇમિગ્રેશન વધતું જશે તેમ તેમ લોકો એક બીજામાંથી શિખતા જશે. વિદેશીઓ પણ આપણાં સામાજિક ગુણો – કુટુંબ ભાવના- લગ્ન જીવન ની નિષ્ઠા વગેરે શિખતા થશે – ઉમ્મીદ પે દુનિયા કાયમ હૈ..!!

    Liked by 1 person

    • શ્રી વિભૂતિ ગણેશ

      મેં વિદેશની સિસ્ટમ વિષે તો કોઈ બેમત નથી તેમ લખ્યું જ છે અને મેં થોડા જ એવા હોય છે જેઓ વિષે લખ્યું છે અને અહીની સિસ્ટમ પણ કાયદા કાનુન જ એવા છે એટલે અપનાવવી ફરજીયાત છે એટલે આપે જે જાગૃતિ વિષે કહ્યું તે અપનાવવું પડે તેમ જ છે.
      આપના આ પ્રતિભાવથી આ વિષય પર આગળ મારા અનુભવ લખવાની પ્રેરણા મળી. આભાર.

      Liked by 1 person

  2. વાહ! એકદમ બરાબર ડામ દીધા છે. અમે આવું લખીએ તો અમને એમ કહીને જ કેસ ડીસમીસ કરી નાંખે કે તમે કોઈ દી’ ઘરની બહાર નીકળ્યા છો તે દુનિયામાં શું હોય એની ખબર પડે? જ્યારે તમારી આ પોસ્ટ સામે આવાઓની પાસે કોઈ દલીલ હોય નહિ પણ તો ય કરશે ખરા….

    તમે કહ્યું એમ આ લોકોને નાના નાના કામ કરવામાં કોઈ નાનપ નથી એના અમુક કારનો આ પણ હોય છે –
    ૧-રૂપિયા સોરી સોરી ડોલર/પાઉન્ડ મળતા હોય તો ક્યાં વાંધો છે?
    ૨-ત્યાં ફોરેનમાં નાના કામ એટલે કરે કે મોટા કામ કરવાની આવડત અને લાયકાત હોવી જોઈએને?
    ૩-અહી બધા ‘ઓળખતા’ હોય, ત્યાં કોઈ જુવે નહિ એટલે છાનગપતીયા ચાલી જાય.

    આમાં આપણે શાહમૃગવૃતિની બિલકુલ તરફેણમાં નથી કે ભારત મહાન જ છે પણ હંમેશા અને વાત વગર ડફણા તો હવે ગધેડા ય ખાય એમ નથી તો આપણે એમ તો લાંબી રેસના ઘોડા છીએ.

    Liked by 1 person

    • રજનીભાઈ
      ક્યારેક ભદ્દી મજાકનો અતિરેક થાય ત્યારે નાછૂટકે આવા વિષય પર લખવું પડે. થોડીઘણી મજાક ચલાવી લઈએ.
      અને કોઈકની મજાક કરીએ તો સામેવાળા ચુપ રહેશે તેમ કેમ મનાય?
      હું તો નગરપાલિકા, મ્યુ નિસિપાલીટી , રાજ્ય અને દેશ બહાર નીકળી છુ ને એટલે મેં તો દેશ- દુનિયા જોઈ છે.( જોવા સાથે જાણવાની કોશિશ પણ કરું છું. હો!)

      ડોલર,પાઉન્ડ મળતા હોય તો કોઈપણ કામ કરાય
      સત્ય એ છે કે ભણવા આવે તેમને અમુક કલાક કામ કરવાની પરવાનગી હોય છે એટલે હોટેલ, રેસ્ટોર ન્ટમાં સફાઈ જેવા કાર્ય કરવા પડે ઓફીસ વર્ક તો ના જ મળે એવી રીતે ઘણા લોકો આવે એટલે તરત જ કોઈ ઓફીસ વર્ક કે વ્હાઈટ કોલાર જોબ અહી કહેવાય છે તે નાં મળે કે તરત જ કોઈ બીઝનેસ પણ સ્ટાર્ટ ના
      કરી શકાય. જે લોકો પોતાની ખાસ આવડત પર અહી કમાવા આવ્યા હોય તેના વિસા અલગ હોય છે .કામ નાનું મોટું નથી હોતું ડોલર કે પાઉન્ડ માટે એ તો રૂપિયા કમાવા માટે કામ નાનું મોટું હોય છે. ડોલર પાઉન્ડ કમાવા માટે જે કામ કરે છે તેની શરમ આવે છે એટલે તો કહેતા હોય છે કે અહી કોઈ કોઈને ના પૂછે કે તમે શું કરો છો? અને દેશના લોકો સામે પણ જે કામ વિદેશમાં કરતા હોય તે કહેતા શરમ આવે એટલે એમના કામ વિષે જણાવે નહિ કે પોતે તો વ્હાઈટ કોલર જોબ કરે છે તેવી વાતો પણ અમુક લોકો તો કરતા મેં સાંભળ્યા છે .

      યસ, આપણે લાંબી રેસના ઘોડા છીએ જ. આપણે ભારત વિષે સત્ય સ્વીકારવા તૈયાર જ છીએ. પણ ભારત કે ભારતીય વિરુદ્ધ ખોટું પણ સહન નહિ જ કરવાનું . દેશ પ્રથમ પછી બીજું

      Like

  3. ‘તમારા મનમાં સમજો છો શું ?’ ના હુંકાર સાથેની વિગતો વાંચી. મારા બ્લોગની એક લિન્ક પરથી અહીં આવી ચડ્યો. ગમ્યું.
    તમારા જેવા અનુભવો મને પણ છે. પણ બ્લોગ જગતમાં પ્રવેશ બાદ કેટલાક NRI બ્લોગર મિત્રોની પોસ્ટ વાંચીને બહુ તકલીફ થાય છે. ભારતીય સંસ્કૃતિના ધજાગરા ઉડાડે છે. ભારતમાં દિલ્હીમાં થયેલ રેપની વાત મીડીયામાં ચગે તેમાં તો ભારતના લોકોને એટલા નીચા પાડી દે કે વાત ના પુછો, છેક વેદપુરાણો સુધી પહોંચી જાય. પહેલાં હું આવી પોસ્ટ પર કોમેન્ટસ લખતો અને તે પણ અમેરિકાની સંસ્થાઓના લખાણોના પુરાવાઓ સાથે, પણ પછી લાગ્યું કે આ તો ‘હમ નહીં સુધરેંગે’વાળા લાગે છે આથી બંધ કર્યું.
    દેશ પ્રથમ પછી બીજું…. ખુબ સાચી વાત.

    Liked by 1 person

    • જગદીશભાઈ આપની વાત સાચી છે. મીડિયા અને સમાચારોમાંથી નેગેટીવ વાતોને પકડીને સતત ભારતના લોકોને પછાત અને નબળા ગણે અને પોતાના દેશના જ ધજાગરા ઉડાવે તે સહન ના જ થાય. દિલ્હી રેપ કેસ વિષે પણ પેલા એન.આર.આઇએ જ ચર્ચા ઉપાડેલી તો એક ભારતીય ભાઈએ જ જવાબ આપેલો કે હવે લોકોમાં જાગૃતતા આવી છે તેથી લોકો હિમત કરીને કાનુનની મદદ લે છે. ભારતમાં હજુ સક્ષમ સીસ્ટમ કે ટેકનોલોજી નથી પણ વિકસિત દેશોમાં તો ટેકનોલોજી અને સીસ્ટમ હોવા છતા ક્રાઈમ રેટ તો હોય જ છે ને! સાવ ક્રાઈમ લેવલ નથી તેવું તો નથી જ ને ? આપણે ત્યાં ટેકનોલોજી અને સીસ્ટમ ડેવલોપ થાય અને લોકોમાં વધુ ને વધુ જાગૃતિ આવે તે પ્રયાસની જરૂર છે નહિ કે સતત પછાત અને નબળા ગણવા કે ભારત અને ભારતના લોકોને હાંસીપાત્ર ગણવા.
      મને પણ આપની જેમ આવા બ્લોગરોની પોસ્ટ વાંચીને ખુબ જ દુઃખ થાય એટલે જ આવી પોસ્ટ લખવી પડે છે.

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s